Control di terenonan pa reparticion di Huurgrond


Diabierna 18 di september, un taskforce cu ta consisti di Bureau City Inspector (BCI), Directie Natuur en Milieu (DNM) y Directie Infrastructuur en Planning (DIP) a controla algun tereno den bisindario di Tamarijn. E terenonan aki pronto lo ta disponibel como huurgrond pa nos cunukeronan.


BCI como miembro di e taskforce tabata presente pa controla pa sushi den e mondi den caso cu un limpiesa mester tuma luga. DNM ta controla e diferente matanan presente y haci anotacion di especienan protegi cu mester conserva y DIP ta encarga cu e parti di reparticion di e terenonan. Otro miembronan di e taskforce cu tin un rol importante ta Kadaster pa e parti di midimento di tereno y Santa Rosa pa e control di plantacion.


Ta importante pa comunidad ta informa cu mientras cu ta sigui cu trabounan pa pone mas tereno na disponibilidad pa nos cunukeronan planta, ta pidi poco pasenshi pa cierto proceso cu ta tuma tempo, pero cu e departamentonan concerni ta atendiendo cu ne.


65 views0 comments