Contribucion di ex lider di MEP Nel Oduber na 50 aña di existencia di MEP Parti 2



SACE

Fuera di e claridad riba tereno di structura estatal nos a realisa e reapertura di e refineria, a negocia un descuento di 100 miyondollar cerca SACE di e problemanan di e debenan di garantia di e 3 hotelnan (Beta, Ramada, Plantation) cu nan construccion a fracasa y SACE a bay Corte Internacional na Hulanda y a gana e caso. Nos fuera di e descuento a logra na paga 55 miyon dollar cash y pa paga den 15 aña e resto cu interes hopi abao.

Sector turismo

Un desaroyo importante economico cu den e sector turismo mi a realisa tabata di trece Marriott, Ritz Carlton, Radisson, Golf Course y hotel pa Divi den e proyecto “Divi Links”, Westin etc. y a yuda pone placa di gobierno pa por a termina Hyatt Hotel. Tambe pa nos aeropuerto cu tabata perde placa, na 2001 nos a trece Schiphol Group.

Empleadonan Publico

Un otro logro importante tabata pa e empleadonan publico. Na 1985 e empleadonan publico a entrega 7¾ - 8½ % di nan salarioy na 1990 nos a debolbe nan e parti aki. Tambe tabatin un desigualdad y descriminacion entre hende homber y hendemuher, e solteronan den gobierno, unda un hende casa tabata gana 20% mas cu nan na salario. Tambe gobierno tabatinarbeiders, werksters y serveersters cu no por a bira ambtenaar, no por a bay den vaste pensioengerechtigde dienst, no por a bay ambtenarenrechter y tabata gana hopi menos cu e ambtenaarnan. Na 1990 nos a negocia cu e sindicatonan y a elimina tur esakinan. Desde e aña ey nan tin e mesun derechonan. Un otrologro grandi – fuera cu a aumenta e vakantieuitkering – a duna e Bashi premie, Gelijk bedrag y e compensacion na 2008 di 105 florin pa costo di bida pafo di salario.

Gradicimento

Mi por bisa cu mi ta sinti mi como Arubiano sumamenteorguyoso como yiu di e tera aki di por tabata 36 aña activamenteden MEP y 25 aña lider di MEP, cu a participa na nada menos 14 eleccion, cu otro palabra 14 vez riba lista, 7 bes como lider y a pone MEP den 4 gobierno.

Mi ta hopi agradecido na tur e lidernan di bario, coleganan cu a subi lista hunto cu mi ora mi a traha 7 lista, tur e directivanan, comision di hubentud y di dama y mi no por lubida nosmilitancia cu tabata t’ey pa mi ki ora tabata necesario.

Mi ta kere cu nos logro mas grandi ariba tereno politico tabata ora dia 28 september 2001 pa prome vez den Reino Hulandes un partido a haya su so den un eleccion un mayoria y mandato clarocu 12 di e 21 asientonan y pa falta di algun voto 13 asiento. Fuera di esey a ripiti e mayoria 4 aña despues den eleccion di 23 di september 2005 cu 11 asiento.

Awe mi kier a gradici tur cu a yuda mi pa por tabata lider 25 añadi e 50 añanan di MEP. Muy en particular mi a pone record como lider y candidato di haya 1/3 parti di e electorado na un urna electoral manera na e Scol na Kadushi Largo, SintJanschool, unda mi tabata ricibi 318, 366, 375 voto y MEP comopartido tabata saca 777 y 849 voto nos so como partido na un solo urna. Siribana ta e lugar caminda mi a nace, crece y cu a sostene mi grandemente, un palabra awe atrobe di gradicimentopa boso sosten masal. Danki tambe na mi señora Glenda y yiunan Glenson, Danguillaume y Nelson Jr.

E tres lidernan di MEP

MEP den 50 aña a conoce 3 lider so:

1. Su fundador, estadista grandi Betico Croes dfm, 9-2-1971 te31-12-1985 activo y a keda lider te 26 november 1986.

2. Nel Oduber oficialmente 8-3-1987 te 28-8-2011. Despues di a ricibi 6320 voto den e eleccion 2009, mi a retira despues di eleccion y a pasa mi asiento den parlamento pa un dama hoben.

3. E di 3 periodo den MEP su 50 aña ta desde 28 augustus 2011 pa sra. Eveline Wever Croes, periodo cu e mes lo por conta suexperiencianan ya cu mi ta afo di ta activo como politico.

Cantidad di votonan y lemanan di campaña

Na urna electoral na Kadushi Largo MEP tabata haya: 777 voto(6 jan. 1989), 849 voto (28 sept. 2001), 783 voto (23 sept. 2005), 681 voto (25 sept. 2009).

Lemanan (Slogans) durante mi liderazgo: Un futuro briyante pa un y tur (6 jan. 1989), Un pueblo Orguyoso (8 jan. 1993), Aruba den un Desaroyo Real (29 juli 1994), MEP, e Solucion (12 dec.1997), Ordo y Prosperidad (28 september 2001), Nos si por mas pabo (23 sept. 2005) y MEP, Nos Futuro (25 sept. 2009).

Pabien MEP, su lider, candidatonan, directivanan, Forsa Femenino Grace, Comision Hubentud HOT y muy yen particular su lidernan di bario, militancia y tur su votadornan. Danki Betico kende a funda MEP hunto cu otronan. Historia ta mustra nos cu nos a cuminsa 50 aña pasa cu 7 asiento den e prome eleccion y te awe nunca den ningun eleccion nos a hayamenos cu 7 asiento den e 16 eleccionnan cu MEP a participa.Hopi partido despues cu nan lider grandi a fayece a bay na 0 of 1 asiento, pero danki na e nucleo di militancia di MEP nos por a cumpli 50 aña dia 9 di februari 2021.

141 views0 comments

©Bo Informado