Contribucion di ex lider di MEP Nel Oduber na 50 aña di existencia di MEP Parti 1





MEP ta partido funda dia 9 di februari 1971 y den apenas 3 lunaa haya 7 di e 21 asientonan pa Eilandsraad. E guia tabata bao die estadista Betico Croes dfm cu durante henter e periodo te 31 december 1985 tabata nos lider. Su logronan ta skirbi y tur añadia 25 di januari, Dia di natalicio di Betico, ta ser conmemora. Esakinan ta suficientemente conoci y ta ser recorda.

Laga mi skirbi algo di mi tempo den MEP. Mi a subi lista di MEP dia 4 di maart 1975 y a participa como candidato aribalista durante 7 eleccion prome cu Status Aparte. Betico a ganatur 6 eleccion despues di 1971. Mi a sirbi como diputado pa Teritorio Insular durante 3 periodo pa partido MEP y muy enparticular ariba tereno di structura estatal, cultura y economia. Masha hopi a tuma lugar y a ser haci: Himno, Bandera, Referendum, accionnan di Augustus 1977, Comision di Reino, Conferencia di Mesa Rondo 1981 y 1983 y e trabao mas importante tabata Coordinador pa prepara Status Aparte. Fueradi por a funda Arubus NV, APA NV y containerhaven, Plan Sasaki, casnan di pueblo tabata proyectonan importante promecu Status Aparte cu a ser realiza. Tur esaki tabata como diputadoy candidato ariba lista.

Eligi como lider di MEP

Lamentablemente 31 di December 1985 nos lider a hayaaccidente, a bay den coma y a fayece dia 26 di November 1986. Un sla formal pa partido y Aruba. Como cu mi tabata Secretariogeneral di partido, segun Statuut mi mester a asumiresponsabilidad pa tuma como lider interino e partido over. Al final den Congreso extraordinario, dia 8 di maart 1987 den Casdi Cultura lidernan di bario a eligi mi unanimamente como nan lider. Mi a ser reeligi 4 vez como lider di MEP y a keda 25 añalider di e partido, algo unico y historico. Tabatin un vespertinoAmigoe a skirbi e tempo ey “Betico dood, MEP dood”. Pueshopi a kere cu MEP lo a caba na nada.

Un periodo hopi dificil a inicia desde januari 1986 ora cu Aruba a bira un pais autonomo den Reino y MEP tabata den oposicion. Trahando duro den oposicion ya caba dia 6 di januari 1989 nos a gana e eleccion ey y pa falta di 23 voto nos no a saca 11 asiento, pero 10. Nos a forma e prome gobierno cu MEP aden despues di Status Aparte, esta un coalicion cu PPA y ADN cu a bay desdefebruari 1989 te cu 1993 y despues a continua di 1993 te juli1994. Den e periodo aki nos a realisa un par di logronan grandipa Aruba.

Reapertura di refineria Coastal

Prome nos a para e desmantelacion di e refineria cu a ser firma pa Gabinete Eman dia 29 di januari 1988. Nos gobierno a sa di firma caba dia 19 di oktober 1989 cu Coastal pa reapertura di e refineria cu al final a habri dia 20 di april 1990. Un proyecto cu a yuda nos economia y a crea hopi cupo di trabao.

Scrapmento fecha di independencia

Ora nos a drenta gobierno na 1989 tabatin un periodo cu e gobierno prome cu nos, no a haci nada pa trece claridad ribatereno di structura estatal. A dedica tempo na economia so.

Durante e Conferencia di Mesa Rondo di 1983 a keda dicidi y poni den Statuut cu nos lo bira independiente 1 jan. 1996. Inversionistanan manera Hazama Gumi cu tabata financiaconstruccion di Hyatt Hotel a bisa cu si no tin claridad kico ta bay pasa na 1996 nan lo bula afo. Nos gobierno a acercaPensioenfonds na Hulanda pa fia FCCA placa pa traha cas y nan tambe a nenga pa motibo di e fecha. Ministerio di Defensa naHulanda a para tur inversion den Marinierskazerne y e commandant a bisa gobierno cu el a haya opdracht pa cuminsabouw af. Mi a bay Parlamento y a haya sosten unanimamente pa den mocion cu a ser pasa bay busca claridad cerca gobiernoHulandes. Cu ayudo di conseheronan manera Apolonio (Poy) Werleman, Guillermo Trinidad, ing. Roland Lacle tur dfm y mr.Hendrik Croes a dileña un strategia con ta bay enfrenta Hulanda. Nos a bay cu un delegacion Hulanda, unda mi persona, Guillermo Trinidad y na Hulanda nos Ministro Plenipotenciarioe tempo ey ing. Roland Lacle a bay lobby cerca tur e lidernan di fraccionnan den Tweede Kamer y mi a bay discuti cu PromeMinister Ruud Lubbers dfm y mr. Ernst Hirsch Ballin, minister encarga cu husticia y Aruba. No tabata facil pa haya sostenpolitico pa saca e fecha di independencia for di den Statuutmirando cu Hulanda pa Aruba haya Status Aparte a mara nos nae fecha aki pa e otro islanan e tempo ey tambe no pidi mescos cu Aruba.

Trankilidad y stabilidad

Al final dia 13 di juli 1990 den nomber di gobierno di Aruba mi a firma pa trece trankilidad, stabilidad, siguridad y claridad, estanos lo saca e fecha di 1996 for di den Statuut y pa esaki sosodecu Aruba no bira independiente mas por lo pronto y si un dia nospueblo kier bira toch independiente, esaki mester bay na un manera ordena, organisa y responsabel. P’esey den Statuut ta poni cu mester organisa un referendum cu mester haya mayoriay mester haya sosten di 2/3 parti den Parlamento pa no pasa nosmescos cu a pasa cu otro cu tabata den Reino Hulandes.

Den e 25 añanan cu mi a guia MEP como lider durante 7 eleccion unda nos a gana na 4 ocasion di cual 2 nos so cu mayoria absoluto y a hinca nos partido den 4 gobierno di cual e prome 2 nan ta den un coalicion. Nos durante e liderasgo den e 25 añanan aki a realisa cosnan grandi y importante pa Aruba.

16 views0 comments