Coleccion Digital di biblioteca a crece pa 30 mil items Na maart 2019 biblioteca a lansa su platafor



Na maart 2019 biblioteca a lansa su plataforma digital cu un coleccion chikito. Despues di 2 aña e coleccion aki a crece substantialmente: awe Biblioteca Nacional Aruba ta ofrece mas cu 30.000 items di su coleccionnan online, manera buki, revista, corant, potret, tesis y otro publicacionnan. E coleccion digital ta ofrece acceso liber na studiante, bishitante en busca di informacion, investigadornan: e meta ta pa duna acceso na un y tur. Por tira un bista via http://bna.aw/digital


Departamento Arubiana/Caribiana ta maneha e coleccion aki y a digitalisa tambe como 4600 potret historico. Algun luna pasa por ehempel un coleccion di potretnan di LAGO a bin acerca, unda hopi trahador di LAGO por a reconoce nan mes riba e potretnan. Siman pasa a añadi mas cu mil potret, entre otro di e bishitanan real durante e añanan ’40 pa ’60, di e welganan cu a tuma lugar na LAGO na aña 1951 y 1960, y tambe e coleccion di potret di Aruba di dr. Johan Hartog.


Tin hopi mas material na caminda.

Cu e coleccion digital un parti di e coleccion nacional documental y audiovisual di Aruba ta bira mas visibel pa mundo henter. Tambe di e manera aki ta lanta mas interes den loke tur biblioteca tin di ofrece. Pa pregunta, pa manda publicacion digital of pa mas informacion por tuma contacto na 528 1570 of via email: digital@bibliotecanacional.aw



1 view0 comments

©Bo Informado