Cft: “Pone na ordo tanto maneho financiero como aprobacion di e presupuesto na tempo”


Philipsburg - Gobierno di Sint Maarten ta para dilanti di reto grandi relaciona cu presupuesto (di mas aña). E presupuesto pa e aña coriente 2021 ta presenta un deficit di aproximadamente 20% di e Producto Interno Bruto y te ainda Gobernador no a aprob’e. Sint Maarten lo mester traha cu energia y segun plan pa reduci e deficit presupuestario y crea un surplus. Di e forma ey lo por cumpli cu e normanan di e Ley di Reino diSupervision Financiero (Rft) y lo por cuminsa paga e debenan haltisimo di e Pais. Pa haci cuido medico y seguridad social sostenibel, reforma structural dirigi riba limitacion di gasto ta inevitabel. Colegio di supervision financiero (Cft)ta urgi atrobe pa pone na ordo e manehofinanciero y pa aproba e presupuestonan y ecuentanan anual na tempo. Esaki ta e unicomanera pa Gobierno y Parlamento bolbe bin nacontrol.

Na mita di aña ainda Sint Maarten no a aproba e presupuesto di 2021. Segun Rft esey lo mester tabata e caso dia 15 di december di aña pasa caba. Cft tahaya esaki un situacion preocupante, pasobraentretanto tur atencion pa regla lo mester tabata dirigi riba e presupuesto di 2022. Eyden lo mester inclui un plan tocante con por converti e deficitnanpresupuestario den surplus.

Pa minimisa e deficit den e presupuesto mas tantoposibel lo mester tuma medida pa aumenta entrada y reduci gasto. Un di e posibilidadnan pa logra esey ta dihaci e prima di seguro di malesa di e empleadonan publico igual na esun di e empleadonan den sector dimercado. Un di dos posibilidad ta di aumenta considerablemente e limite di sueldo pa seguro di malesa y seguro di accidente. Un di tres posibilidad ta di laga e politiconan tambe paga pa nan seguro di malesa y pa nan pensioen.

Ta necesario pa mehora sustancialmente cumplimento di e obligacionnan fiscal. Asina lo por alcansa un reparticion husto di e carga entre ciudadano y empresariado, fin di competencia inhusto y reduccion di e deficit den e presupuesto nacional.

Den e proyecto di ley final pa e presupuesto di 2020 a stipula, entre otro, cu lo reduci e periodo di cesantia (wachtgeld) pa e mandatarionan politico di 2 pa 1 aña. Cft ta balora esaki como un stap den e bon direccion.

E miembronan di Cft di Corsou y Sint Maarten a bishita Sint Maarten di dia 5 pa dia 7 di juli 2021 y a hiba combersacion cu Gobernador, Ministro Presidente, Ministro di Finansa, Ministro di Salud Publico, Desaroyo Social y Asunto Laboral y e Comision Financiero di Parlamento.

Sint Eustatius

Dia 5 di juli Cft Boneiro, Sint Eustatius y Saba a haci un bishita na Sint Eustatius y a hiba combersacion cu Comisario di Gobierno, Comisario di Gobierno suplente, Conseho Insular, Director di Maneho Operacional yDirector di Finansa. Cft a keda impresiona pa e cantidad di proyecto andando y di proyecto termina, y e mehoracionnan den e maneho financiero despues di e bishita anterior di Cft na 2019.

5 views0 comments