Celebracion dia di mucha


Segun tratado di derecho di mucha art 1 un mucha ta te 18 aña, pues e edad di mucha y hoben.


ATHA ta celebra cu tur mucha di Aruba Dia Internacional di Derecho di Mucha, cu a wordo proclama pa Nacionnan Uni. Tambe Aruba a declara 20 november como dia di mucha.

ATHA tin como base e principionan di Nacionnan Uni caminda ta salvaguardia e derechonan di tur ciudadano, particularmente esun di nos muchanan.


Nos ta invita famia completo pa participa cu nos muchanan na e show virtual cu lo ta mayan 20 november di 6:00- 7:30pm via FB di ATHA, FB Diario TV y Diario Tv presenta pa Kerekentenchi Party Explosion.


E meta di e actividad aki ta pa celebra cu e muchanan nan dia, manera describi den articulo 31 tur mucha tin derecho pa hunga y tempo liber.


Durante e programa lo tin wega, canto y baile di mucha pa mucha. Ta bay tin hooopi premio pa nos muchanan. E nr di studio di Kerekentenchi pa participa durante programa ta 5833701.


Desde awe lo tin un pintura pa e muchanan por participa durante e programa na un competencia di pintamento. Pa participa e mucha por pinta e pintura, saca un portret y mande via WhatsApp di Kerekentenchi party Xplosion cu ta +2975936187.


5 views0 comments

©Bo Informado