Caso den corte entama door di habitante Parkietenbos a logra mehoracion pa cu molester di dump

Updated: Aug 25, 2020


Pa hopi aña Stichting Parkietenbos ta bin cada biaha cu campaña pa colecta firma di ciudadanonan cu hopi promesanan pa yuda e bario Parkietenbos y trese un solucion y alivio pa cu e situacion alarmante di candela y huma toxico cu ta azota e bario di Parkietenbos pa añas largo, sin cu nan a logra algo pa bario, al contrario nan a stroba y desfrauda bario cu nan promesa nan falso.

Despues di tur e añanan a bira obvio cu Stichting Parkietenbos no a logra nada pa e bario y e ciudadana habitante di Parkietenbos Anouk Balentina, ariba su mes, a sinti e deber como ciudadano, cu a lanta y biba ful su bida den e bario, pa entama un caso sumario contra Pais Aruba pa stop e molester di dump Parkietenbos, Dump Seroe Teishi, y tambe e incinerator illegal. Na inicio hues a duna Gobierno tres luna pa mustra mehoracion structural na e situacion y alivia e molester.

Ta Anouk Balentina a tuma accion di bai corte y asina a logra pone precion pa stop e molester na Seroe Teishi.

E caso cu e ciudadana a lanta a forza cu Serlimar a sera un contract cu Ecogas pa cuminsa alivia e situacion di destorbio.

Net dos dia prome cu e caso den corte, pues dia 18 di februari 2020 Serlimar a firma un contract cu Ecogas pa asina por mustra algo na hues cu nan ta trahando riba un solucion pa procesa e balesnan na manera mas responsabel ja cu a ser comproba y admiti door di e abogado di Pais Aruba cu Caribbean Trucking a hasi un mal trabow.

Esaki tambe ta discribi claramente den e vonnis apartado 4.10: “ Voor wat betreft de vuilbegraafplaats te Seroe Tijshi wordt hetvolgende overwogen. Vast staat dat in het niet ver voor de aanvang van de onderhavige procedure gelegen verleden zich aldaar regelmatige spontane branden voordeden als gevolg van het niet op de juiste wijze begraven van commercieel- en huisafval door of vanwege Serlimar. Ter zitting heeft Balentina zelf gesuggereerd dat die werkzaamheden uitbesteed moeten worden aan het bedrijf dat thans die begraafwerkzaamheden verricht, omdat het volgens haar heel veel professioneler en deskundiger zou zijn dan Serlimar.”

Esaki ta e prueba cu no ta Stichting Parkietenbos a logra e mehoracion, manera ta ser menciona den media.

Anouk Balentina mes den pasado a yuda e stichting na varios ocasion pa colecta firma pero cu tempo a ripara cu Stichting Parkietenbos no tabata trece ningun resultado, mas bien nan a bira parti di e problema envez di ta parti di e solucion. “Nan a purba di wanta nos keto lagando nos kere cu nan lo yuda nos bario.”

Na varios ocasion e miembronan di e stichting a hasta core cu habitantenan di e bario y no kier a duna nan oido ora cu nan a acudi na e stichting pa ayudo encuanto e molesternan cu cada dia tabata bira pio.

Ta conoci tambe cu e bestuurder anterior pa e mes motibo aki tambe a retira di e stichting. Ademas, ta obvio cu e miembro principal di e stichting, Aldrich Croes, desde april ta hasiendo trabow di Public Relations pa Departamento di Salubridad di Gobierno, cual ta un conflicto di interes.


Stichting Parkietenbos desde 2017 a forma parti di e taskforce di maneho di desperdicio di gobierno y hasta a wordo nombra mediante un decreto ministerial, No. IM/8693-2017 y a forma parti di Workgroup Solid Waste Management desde 2018. Sinembargo cu tur su participacion interno no a logra nada pa proteja e bario y stop e molester.

Ta te awor numa cu Anouk Balentina a tuma pasonan legal por mira e atencion y mehoracion tumando lugar pa cu e maneho di desperdicio na Seroe Teishi.

Mester remarca tambe cu den pasado algun habitante a hasta manda carta cu nan firma informando gobierno y e ministro cu nan no ta di acuerdo y no ta duna permiso pa Stichting Parkietenbos papia den nan nomber of representanan.

Sinembargo ta keda ser menciona door di ministro Marisol Lopez Tromp cu a sinta cu habitantenan. E ministro lo a sinta cu e Stichting, cual miembro principal Aldrich Croes, ta fungi como Public Relations di gobierno, e mesun gobierno cu hues a sentencia pa actua contra ley na Parkietenbos.

Den cuadro di bienestar general ta necesario pa tin transparencia, sin conflicto di interes, y ta necesario pa habitantenan afecta tambe wordo scucha y no solamente cierto personanan den un Stichting cu no ta representando tur habitante y ta den conflicto di interes.


7 views0 comments