Campaña di vacunacion contra Influenza ta ranca sali diahuebs


ORANJESTAD, Aruba –20 oktober 2020: Campaña anual di vacunacion contra Influenza ta bay cuminsa y Departamento di Salud Publico ta haci un yamada na e grupo di risico pa pasa busca nan vacuna completamente gratis na un di e localidadnan cu mas ta combiniente.


Aki bou ta sigui un lista di e diferente dia y localidadnan unda nos enfermeronan lo bay ta aplicando e vacuna di influenza.


  • Diahuebs dia 22 y 29 di oktober na Centro Playa Pabou

entre 9or y 12or di mainta

  • Diabierna dia 23 y 30 di oktober na Centro Curazon Santa Cruz

entre 9or y 12or di mainta

  • Diamars dia 27 di oktober y 3 di November na Centro di Bario Noord

entre 9or y 12or di mainta

  • Dialuna 2 y 9 di November na Centro di Bario Brazil

entre 9or y 12or di mainta


Na e localidadnan aki lo vacuna personanan cuta cay bou di e grupo di riesgo. E personanan aki mester presenta cu nan recept di doctor di cas y nan carnet di AZV. Adultonan mayor di 60 aña mester presenta solamente cu nan carnet di AZV valido.

Es cu no ta cay bou grupo di risico pero kier cumpra e vacuna, esaki NO ta posible na e postnan menciona ariba, pero si na seccion di Malesanan Infeccioso. Es cu kier cumpra vacuna mester haci un cita online via www.dvg.aw . Riba e website lo encontra un link pa por traha un cita pa campaña di vacunacion contra influenza. E vacuna tin un costo di fl 20,- cu mester wordo paga na Departamento di Salud Publico y ta acepta pago unicamente electronico (swip) no ta permiti placa cash.


Pa esnan cu enberdad no por traha e cita online por haci esaki tambe telefonicamenta via 5224239 of 5224241 nos ta informa si cu nos lineanan ta basta ocupa relaciona cu e maneho di e crisis di covid-19.


13 views0 comments