BOCHINCHA CONTAINER YARD TA JOIN E MOVISHON PA STIMULA COMUNIDAD REGISTRA Y VACUNA!


“Durante ful e luna di April, Bochincha Container Yard lo stimula y incentiva tur cliente y comunidad den su totalidad pa registra y tuma e vacuna contra Corona Virus”.

Mirando cu Aruba den su gran mayoria ta cumpliendo cu e reglanan introduci pa DVG, inclui e negoshinan cu ta haci nan maximo pa yuda controla y sigui mantene na tur e protocolnan exihi.

Bochincha Container Yard a dicidi di sigui stimula, y introduci un campaña pa join tur cu ta incentivando nos comunidad pa registra y vacuna!

CAMPAÑA DURANTE APRIL

Ariba tur Diamars y Diahuebs durante henter e luna di April, cada un di e restaurantnan y negoshinan cu ta forma parti di BCY lo ta otorgando un 15 porciento di discuento na tur persona cu por comproba cu nan a tuma nan prome shot di vacuna of cu ta registra durante e dos dianan aki di siman, durante henter luna di April, via e Aruba Health App of website di DVG for di location di BCY.

Adicionalmente na e 15 porciento aki di descuento, Bochincha Container Yard lo contribui, den nomber di su clientela, cu 5 porciento di e factura total di cada cliente, durante e dianan aki di April.


Esaki cu proposito pa yuda un fundacion social cu tin como meta pa yuda esnan den mas necesidad durante e pandemia aki. A escohe pa contribui na e organisacion YMCA pa asina por sigui brinda nan servicio di Trai Merdia cu yama Y'Care. Eorganisacion aki ta percura pa alimentacion na esnan den mas necesidad na Aruba.

Bochincha Container Yard, consitiendo di Crosta Pizza, El Taco, BS Grill, Masago Sushi, Sultan Restaurant & Cafe, Bacchus Wine Lounge, Sizzles, El Parche de la 13, JJ’s Cigar shop, Horse Bay Barber and Tattoo Shack, Juwi Souvenir Shop y Bochincha Bar ta compromete di continuamente cumpli cu e protocolnan di DVG y ta spera cu comunidad por sigui registra pa por vacuna lo mas antes posibe.

Esaki pa asina hunto nos por yuda combati Covid-19. Mas nos uni pa e mesun proposito aki mas liher nos por bolbe na e normalidad nobo cu tanto nos comunidad y comerciante nan ta anhela pe.

Cu esaki nos kier gradici un biaha mas cada un instancia cu ta haci e controlnan necesario, muy en particular esnan di Task Force Covid y tambe cuerpo policial y funcionarionan di DVG, kende cada biaha cu a bishita Bochincha a duna elogio pa e forma cu ta implementa e regla y protocolnan.

BCY ta habri tur dia di siman for desde 4or di atardi y ta yama henter Aruba Bon Bini pa disfruta di un dushi plato di cuminda for di un di nos 8 restaurantnan den un ambiente unico Y den aire liber.

Keda na altura di Bochincha Entertainment via facebook, sigui e pagina pa ricibi informacion di specials, actividadnan etc.

Pa informacion of reservacion por contact BCY ariba 736-0808.

5 views0 comments