Bo Informado ta nombra Prome Minister di Aruba Evelyn Wever-Croes Woman of the Year 2020.

Den un mundo domina pa hende homber a sa di haci lo corecto pa nos pais! ( Politica )



Prome Minister Evelyn Wever-Croes a demostra cu e ta determina pa traha na bienestar y progreso di pais Aruba y tur cu ta biba aki. Un Prome Minister cu a marca historia na momento di a gara e bandera na aña 2017 y a forma cualicion. No tabata fasil pero tur a traha duru pa drecha error cometi pa e gobierno anterior a fiesta cu fondo di e pais tabata e focus di e tempo ey.

E reto financiero no tabata e unico problema pero e crisis social cu e pais aki tabata den dje no tabata uno fasil. Tristo pa mira y scucha kiko a wordo hereda y mester a traha pa drecha esaki. Na e mesun momento crisis di Venezuela y otro crisis nan cu e Prome Minister mester a atende cune na interes general di pais Aruba. E aña aki un crisis cu a dal mundo y a pone mundo para keto, tur hende mester a primi e boton di reset y otro nan mester a wanta y bringa cu loke tin. Nos Prome Minister a sali firme tumando desicionan duru, dificil, unda hopi a rabia y mayoria a elogia y a siña conoce nos Prome Minister Evelyn Wever-Croes y realisa cu su curason semper lo ta na e lugar corecto cu amor pa nos pais!


Aruba mester ta orguyoso cu pa prome biaha den historia un hende muher na cabes di e pais aki a domina un mundo di hende homber na e forma corecto y cu determinacion. Nos Prome Minister Evelyn Wever-Croes merece no solamente Woman of the Year 2020 pero tambe un mandato cla pa por sigui goberna nos pais. Evelyn Wever-Croes a demostra di tin un plan pa cada crisis y sigur lo tin e plan corecto pa recuperacion di nos pais!


Pabien Prome Minister Evelyn Wever-Croes pa tur e trabou realisa den e tempo dificil aki y cu determinacion pa traha pa Aruba!


Team Bo Informado.

2 views0 comments