Ban respeta reglanan di Crisis Team y cuida nos hendenan


Alan Howell, lider di partido POR ta pidi tur colega politico pa por fabor respeta e reglanan stipula pa Crisis Team y asina cuidanos hendenan. Aruba su situacion di Covid-19 ta mustra cu ta bayendo den un miho direccion y ta importante pa tur partido y politiconan respeta e reglanan stipula pa proteha nosciudadanonan mas tanto cu ta posibel.


“Nos ta bibando den temponan di crisis y pa supera esaki cadaun di nos mester pone di nos banda. Logico como politico bokier bishita y scucha e pueblo, pero e campaña aki ta bay ta completamente diferente na loke nos semper a conoce”, Howell ta declara.


E ta pidi tur hende pa por fabor evita bishita di cas, mantenedistanciamento social, dos aspect cu semper a domina den campañanan anterior, pero cu e biaha aki no por tuma luga paproteha nos poblacion y reduci mas tanto posibel e contagio di e virus.

Alan ta recorda tur hende loke a pasa na nos hermana islaCorsow, unda cu debi na campañana politico e virus a plama y awe ainda ta mira e consecuencianan, inclusive fatal di e falta di distanciamento social. “Ban siña di e erornan aki y proteha nosisla y nos hendenan, ban mustra cu a pesar di diferenciananpolitico, nos por uni y mantene nos mes na e reglanan di Crisis Team pa bienestar di nos hendenan”, lider di POR a finalisa.

1 view0 comments