Awe Parlamento a rindi tributo na un politco di gran trayectoria y experiencia. Sr. Benedict Nisbet


Benny Nisbet of e politico documenta manera e tawata wordoyama, tawata ex minister y ex parlamentario pa Pais Aruba. Sinembargo tambe e a sirbi como miembro di eilandsraad. Un politico cu semper a studia su materia hopi bon y tawatadocumenta su mes sublime pa por hiba discusionan cu argumentonan serio.

Awe nos a rindi tributo y a desea su señora Natalia Nisbet, Sandra Nisbet, Rose Nisbet y henter famia, hopi forsa cu e perdida aki.

Tres perdida grandi pa Sanicolas

Hopi hende ta mira solamente color politico o disputanan cu nan ta tin den pasado ora ta trata cu politiconan o baluartenan. Sinembargo bo tin di crece como ser humano y surpasa esakipa duna balor na figuranan y baluartenan cu a yuda fortifica y grandese bo Pais cu nan dedicacion, experiencia y talento.

Personalmente ta cu duele na mi curason mi a mira tres pilar di e districto di Sanicolas wordo hiba na nan ultimo lugar di sosiego den e final aki di aña 2020.

Sr. Crispin Bruce, Sr. Eric Nassy, y awe Sr. Benedict Nisbet. Nan ta tres perdida grandi pa Sanicolas y ta laga un gran bashicu tin di wordo yena awor pa e generacion cu ta sigui.

Sanicolas ta unda mi a duna mi aporte como profesionalatraves di hopi aña, y mi ta agradecido di por a hasi esaki y pa tur loke mi a siña den e trayectoria aki.

Mi tin un aprecio grandi pa e districto y su hendenan y lo desea di mira lidernan nobo lanta cabes pa sigui avansa suhendenan.

Nos ta drenta un era nobo

E pandemia a obliga nos como ser humano pa evalua nossituacion actual como Pais. No solamente nos situacionfinanciero sino tambe nos bienestar social y emocional. Nos tin di drenta un era nobo unda nos ta fortifica nos principionancomo Pais. E principio di yuda bo prohimo manera Sr. Eric Nassy (dfm) tawata hasi tur weekend atraves di platonan di cuminda pa centenares di cuidadano den necesidad. E principio di educa un generacion pa para firme pa suderechonan manera Sr. Crispin Bruce a hasi atraves di enseñansa. E principio di duna respet asta ora bo ta den desacuerdo cu bo contrincante, usando argumento manera cu Sr. Benedict Nisbet a hasi cu su forma di hiba politica.

Ta mi deseo cu e perdida di e baluartenan aki, siña nos tur pa duna mas di nos mes na cosnan positivo pa nos Aruba por sigui crece. Mi kier yama danki na e baluartenan aki pa a sirbiPais Aruba cu tanto dedicacion y fervor. Cu nos Creador siguiduna nan famianan e forsa necesario den e dianan nos dilanti.

Y cu nos drenta un aña nobo cu un bista diferente como PaisAruba, Tevreden a termina bisando.

19 views0 comments

©Bo Informado