ARUBA TOURISM AUTHORITY: KICO POR SPERA PA 2021


ORANJESTAD – Desde cu Aruba a bolbe habri su fronteranan, Aruba Tourism Authority ta trahando cu diferente scenario di proyeccion di loke por spera di e cantidad di turistanan cu lo bishitanos destinacion. E scenarionan pa 2021 ta consisti di uno optimista – conservativo y cauteloso.

Pa 2020 tawatin tres proyeccion: den e caso optimista cu Aruba lo cera cu 40% di recuperacion di e total di bishitantenan compara cu 2019, den e caso conservativo lo cera cu 30% di recuperacion y den un caso peor lo a cera cu 20% di recuperacion. Cu e resultadonan di 2020 conoci awo, por deduci cu Aruba a recupera 33% di bishitantenan compara cu 2019. Un tiki mas cu loke e organisacionmundial di turismo (UNWTO) a proyecta pa cu turismo global, undacu a indica cu e grado di recuperacion lo ta di 30% (un caida di 70%) compara cu 2019. Mester keda realisa cu a captura locual lo por tabata disponibel, mirando cu e consumidor tambe ta dicidi di no biaha of di pospone su biahe. E ta wordo pidi pa de facto ‘keda cas’.

Pa 2021 a tuma e aña 2019 como ehempel pa compara y aki por miracu Aruba su proyeccionan ta conduci na un recuperacion di suturismo di entre 45% pa 60%. Na e momento aki loke nos ta mirandocu awo Aruba ta net memei di e recuperacion, mirando e desaroyonanden e industria di turismo cual lo sigui cambia. Pues por bisa cu situma indicacionnan di awo nos por ta na un grado di recuperacion pa 2021 di 50%. Esaki obviamente lo sigui fluctua, mirando cu e situacion ta sigui ta uno cambiante.

Ta anticipa cu Norte America – cu ta e contribuyente mayor na Aruba su turismo- lo sigui ta e contribuyente mayor cu un total market share di sigur riba 80% pa loke ta bishitantenan pa Aruba, sigui pa Europa y Latino America cu cada uno lo contribui cu rondo di 5% di e market share pa cu bishitantenan pa Aruba y 3% lo ta di otro pais y islanan.

Den e scenario cauteloso, un recuperacion di 45% di nos turismo por produci un total di 515.190 bishitante durante 2021 pa Aruba mientras den e scenario optimista, un recuperacion optimista di 60% por duna Aruba un total di 658,184 bishitante pa aña 2021.

Pa loke ta otro 3 indicador principal pa 2021; ta proyecta cu turismocrucero lo por recupera entre 25% pa 50% pa 2021 compara cu 2019. E asina yama Tourism Credits (loke a bishitantenan ta laga atras, directamente, den nos economia) lo por recupera entre 45% cu 60% compara cu 2019 y e Average Daily Rates (ADR) ta spera cu esaki lo por mustra un grado di recuperacion di 75% compara cu 2019.

Mester tene cuenta pues cu e hecho cu e grado di recuperacion lo ta gradual y cu den 2021, Aruba su turismo no lo regresa na normalidad. Ta enfoca nos recupera mas, pero e lo ta un proceso gradual! Ta urgiun y tur pa tene esaki presente y pa tene cautela pa cu bocomportacion y realisa cu e crisis ta vigente ainda!

E situacion ta y lo sigui ta uno cambiante. Aruba a habri aña cu un lockdown procedente for di Inglatera, resultando den cancelacion di e vuelo non-stop for di Inglatera, cual a inicia na december 2020. Tambe paisnan for di unda nos bishitantenan ta bin, ta cuminsa mas y mas exigi un resultado di test negativo prome cu e turista bolbe supais. E restriccionnan aki ta pone cu e bishitantenan ta wordorestringi pa loke ta nan biahenan. Realidad ta cu den nos mercadoprincipal e cantidad di casonan ta sigui ta un reto y gobiernonanconcerni ta sigui tuma medida cu ta haci un biahe bira mas dificil.

Obviamente e enfoke ta riba e vacuna cu lo trece alivio. Pero esakitambe lo tuma su tempo. No obstante di tur esaki por mira cu e turistanan su deseo pa biaha ta sigui ta uno fuerte apesar di tur medidanan cu cada pais ta pone na vigor.

A.T.A. kier gradici tur socio kende a bin ta traha incansablemente pa Aruba su turismo por habri bek y por logra captura locual a logra na2020. Ta subraya e responsabilidad colectivo y individual cu nos tin. Pa Aruba su turismo y su economia sigui recupera, ta importante pa nos carga e responsabilidad di keda practica tur e protocolnan stipuladoor di e diferente instancianan concerni. Asina Aruba por domina e casonan di Covid-19 y nos economia por bolbe florece.

3 views0 comments