Aruba pronto lo tin un Smart Energy House



ORANJESTAD - Despues di e di dos edicion exitoso di e German-Caribbean Energy Conference na Aruba, lo agrega na maart 2021 un proyecto nobo cu ta e Smart Buildings forSustainable Caribbean Islands - Green Tech made in Germany.Durante tres aña, Alemania y e paisnan den Caribe a intercambiadiferente ideanan riba e posibilidadnan di energia renobabel. Tur esaki a sosode primordialmente na Aruba y awor ta culmina den un showcase di tecnologianan pa biba y traha na un manera massostenibel.


Ta bay estrenan e proyecto di Smart Buildings for SustainableCaribbean Islands - Green Tech made in Germany riba 24 di maart 2021 pa medio di un conferencia di cual por participa online of door di atende en bibo na Renaissance ConventionCenter di 9.00 a.m.- 2.00 p.m. Promer Minister sra. Evelyn Wever-Croes lo inaugura e conferencia hibrido aki y despues lo sigui cu diferente orador. Expertonan di Alemania y otro islanandi Caribe, incluyendo Aruba, lo discuti e posibilidanan y epotencial pa prijsnan rasonabel pa energia door di adopta technologianan sostenibel den casnan y edificio.


Riba e dia aki tambe lo presenta e consorcio Aleman, “German Green Technology Hub”, cu ta consisti di varios specialistaAleman den energia renobabel, eficiencia den energia y materialnan di construccion alternativo. Sigur, un tema interesante pa companianan di construccion y desaroyadornan di proyecto paasina introduci sistemanan y tecnologia nobo den proyecto nan residencial y comercial.


E consorcio Aleman tin planea pa construi un Smart EnergyHouse den e Smart Community Aruba como un showcase pa e region. E obhetivo ta pa mustra con productonan y tecnologiaAleman por contribui na reduci e consumo di energia na Aruba y den Caribe. Entre otro, Smart Energy House lo uza energia solar y di biento y lo ta ekipa cu sistemanan pa fría, isola y ventila. E plan ta pa construi e Smart Energy House na 2021 cu cooperacionestrecho di FCCA y otro stakeholders di Smart Community Aruba y tambe cu sosten di e Camara di Comercio Aleman-Hulandes.


E conferencia cu lo tuma lugar dia 24 di maart, lo enfoca riba tecnologianan cu hotel, oficina, aeropuerto, edificio y residencianan por incorpora. Participantenan lo por presencia oradornan y un panel di experto. Tambe lo tin un sesion di networking ‘one-on-one’ cu e expertonan, otro participantenan, representantenan di gobierno y companianan di Alemania y di Caribe.

Un biaha mas Departamento di Asuntonan Economico, Comercio y Industria (DEACI) ta aporta na e proyecto aki como un partnerdi e Camara di Comercio Aleman-Hulandes desde 2018. DEACI ta invita empresarionan, inversionista y expertonan pa atende e conferencia sea en persona of online.


Por registra na https://www.dnhk.org/veranstaltungen/details/german-green-technology-conference

Of pa mas informacion, por tuma contacto cu Departamento di Asuntonan Economico, Comercio y Industria na 521-2419.

6 views0 comments

©Bo Informado