Aruba One Happy Island Lions Club ta yama bon bini na tres miembro Lion nobo:

“Judith Werleman, Rosalinda Franken y Sherwin Donata"


ORANJESTAD – Durante un celebracion special den un grupomasha limita pa motibo di e pandemia Covid19 na final luna di december, Directiva y Miembronan di Aruba One Happy Island Lions Club cu sumo placer a yama bon bini na tres miembro nobo, ta trata aki di Sra. Judith Werleman, Sra. Rosalinda Franken y Sr. Sherwin Donata. E tres miembro Lion nobo a wordo instala paPresidente Fellow Lion Junior Arends, kende a wordo asisti pa PDG Fellow Lion Doris Lacle de Eugenio.

Fellow Lion Judith Werleman a demostra su interes den serviciohumanitario y su deseo pa yuda esnan den comunidad cu ta den necesidad y personanan special. E ta director su propio compania di Real Estate. E sponsor member ta Fellow Lion Eugene Dubero. Fellow Lion Rosalinda Franken ta un persona hopi activo y cu pasionpa servicio comunitario. Eta labora den sector priva. E sponsor member ta Fellow Lion Carla Martinus. Por ultimo a wordo instalaFellow Lion Sherwin Donata kende ta un persona cu pa basta tempo caba ta coopera y yuda Aruba One Happy Island Lions Club den varios actividad y ta doño di Radio Latina 92.3 Tu FM. E sponsor member ta Fellow Lion Junior Arends. Despues di un periodo comoinvitado di Aruba One Happy Island Lions Club caminda nan a participa den varios actividad y demostra nan interes dunando di nan parti pa sirbi nos comunidad, Aruba One Happy Island a aproba e tresmiembronan nobo pa wordo instala como miembro di nosorganisacion.

Miembrecia di Lions Club ta bay segun invitacion y ta un miembro di Lions Club ta un previlegio mirando cu bo ta forma parti e organisacion di clubnan di servicio activo mas grandi na mundo, un grupo di mas di 1.4 miyon homber- y muhernan di mas di 48 mil club den 200 pais y areanan geografico rond mundo, cual ta dedica nahaci un diferencia. Como miembronan di nos organisacion, Fl. Judith Werleman, Fl. Rosalinda Franken y Fl. Sherwin Donata lo yuda nosclub yega na esnan den den mas necesidad den noscomunidad, experencia y biba e bunita di haci trabao boluntario. Ademas e ta e oportunidad pa perfecciona liderazgo, comunicacion y abilidadnan organisatorio. Como miembro di Lions Club bo lo por desaroya amistadnan cu ta dura pa bida largo, conoce Lionnan di otroskinanan di mundo y contribui cu ideanan cu lo yuda contribui na e necesidadnan di nos comunidad.

Aruba One Happy Island Lions Club a wordo funda dia 16 di juni2017 y desde su inicio a bin ta sirbi esnan den necesidad den noscomunidad di Aruba cu proyectonan manera e.o. Adoptacion di Plastic Beach, Aruba Reef Care Beach Clean-up. Tambe proyectonancomunitario manera yuda y trece alegria na nos grandinan den Cas di Anciano, Presentacion escolar pa concientiza nos muchanan y comunidad riba e malesa di Diabetes, Actividad pa nos personananspecial, Campaña promocion pa un Trafico

Sigur, Aruba Doet, Blood Donor Drive, Charlanan Publico ribaConcientizacion, Colecta productonan pa esnan den necesidad, Reparti regalo pa muchanan den necesidad y Sight First: Coleccion di monturanan di bril pa esnan den necesidad y concientisacion y prevencion riba e virus di Covid19. Aruba One Happy Island Lions Club ta comprometi pa haci e trabaonan di servicio humanitario di Lions Club International na nos comunidad.

Un biaha mas pabien y bon bini na Fellow Lion Judith Werleman,Fellow Lion Rosalinda Franken, y Fellow Lion Sherwin Donata, hopiexito como miembro di Aruba One Happy Island Lions Club. Un danki na Fellow Lion Eugene Dubero cu a pone su residencia disponibel, High Performance pa sonido y luz y tur cu a coopera pa por a haci e evento posibel y cumpliendo cu e protocol di e Covid19.

ohilclubaruba@gmail.com Aruba One Happy Island Lions Club

In unity we serve with passion and kindness

18 views0 comments