Aruba Ocean Villas prome na Aruba cu ta partner di Tablet Plus Hotels


Awor Aruba Ocean Villas na Savaneta, Aruba ta un Tablet Plus hotel. E curator original di e 4000 Tablet Hotelnan pa biaheronan di alta calidad a invita Aruba Ocean Villas pa ta nan partner.

Sra. Osyth Henriquez a acepta e invitacion y ta hopi honra cu su Boutique Hotel na nos isla chikito aki a bira partner y ta forma parti di un lista di hotelnan prestigioso den mundo.

E Tablet Plus Hotelnan ta keda scohi rond mundo pa nan creatividad propio, diseñonan artistic, estilo aparte y mayoria di nan tin un storia cu nan.  Aruba Ocean Villas ta e prome Boutique Hotel na Aruba cu riba invitacion ta bira un Tablet Plus Hotel.

Osyth Henriquez ta contento pa bisa cu nan a bin y bishita y evalua Aruba Ocean Villas y aproba como un Tablet Plus hotel.

“Esaki ta exactamente con e Gobierno di Aruba y Minister di Turismo Sr. Dangui Oduber ta mira futuro diversificando turismo y economía riba nos isla di Aruba. Nos hotel estilo “Bohemian Chic” ta pas y ta un trendsetter na Aruba y Caribe. Esaki ta hacimi orguyoso!” Sra. Henriquez ta splica.

E fundadornan di Tablet a lanta nan hotelnan cu e proposito di pone trankilidad y romance bek den biahamento. Esaki ta cuadra mescos cu e filosofía di Aruba Ocean Villas di combina romance y amor pa naturalesa. Aki a tuma un paso hopi grandi pa e meta aki.

Sra. Osyth Henriquez di Aruba Ocean Villas a expresa: “Awor biaheronan di rond mundo tin e opcion di book nos hotel na Aruba como un Tablet Plus Hotel — pero ora bo book cu Tablet bo ta haya no unicamente un confirmacion , sino un organizacion complete cu ta bai percura cu e bishitante ta haya servicio di calidad cu cada stap cu e dal den su biahe.”

Tablet ta un recurso pa discubri e boutique hotelnan dim as interesante y luhoso den mundo-caminda e biahero por pasa experencianan memorable, no unicamente pa e camber pa e anochi. Parti di e Guia pa Biahero MICHELIN  desde 2018, Tablet Plus ta piki su seleccion di hotelnan nan mes pa por ta na agrado nan cada ken nan gusto exquisito y budget.

“E union inovador y impactante entre Aruba Ocean Villas y Tablet Plus hotels aki ta inicia un period dim as inovacion y lo hisa nos standard den e industria di turismo aun mash alto y lo duna acceso exclusivo na e mundo di e biahamento, cultura, arte y alta cocina — tur esaki sin sacrifica nos voz unico. Tablet ta synonymo cu independencia di pensamento y movecion, y ni nos nomber ni nos mission mester cambia.” , asina e desaroyador di Aruba Ocean Villas Sra. Henriquez a finalisa bisando cu un sonrisa grandi riba su cara.

Michelin, ta un compania di tire basa na Francia cu ta publica e Guianan di Michelin pa biaheronan cu  restaurant y tournan, cual silenciosamente a adkeri e “booking site” Tablet Hotels.

E meta di e deal aki ta pa e team di Tablet Hotels ta e lidernan den e transformacion digital di e Guianan cora di Michelin di restaurant y e Guianan berde pa turismo cu antes tabata imprimi y pa traha un vertical mas grandi pa biaheronan rond mundo, segun e co-fundador y CEO di  Tablet Hotels Laurent Vernhes.

E resultado inmediato di e aliansa aki ta evidente de e Programa Tablet Plus. Pa keda na altura di e standardnan cu Michelin ta aplica pa restaurantnan, e rekesitonan pa bira un Plus hotel awor ta mas exigente. Hotelnan ta keda selecciona riba invitacion unicamente si nan ta ricibi consistentemente criticanan excelente di nan clientenan, sigurando cu tur hotel escohi como un Tablet Plus hotel ta dedica na provee hospitalidad di nivel halto (VIP).

7 views0 comments

Recent Posts

See All