ARUBA LO TIN UN GOBIERNO NOBO PRONTO



Partido MEP sa loke mester cumpli cu ne y pa e motibo akimester un gobierno mas pronto cu ta posibel.

Lider di MEP, sra.Evelyn Wever-Croes hunto cu presidente di partido sr.Hendrik Tevreden a reuni cu e informadornan cu a wordo apunta sr. Eddy Werleman y sra. Tisa LaSorte. Lider di MEP a duna di conoce cu e tawata un bon reunion pa dialogaespecialmente riba e vision di Partido MEP pa cu e recuperacion di nos pais.

“Pa nos di partido MEP, stabilidad ta hopi importante. Nos a pasa den temponan turbulente den e ultimo gobernacion, nos a purba di mantene cos mas trankil posibel pero ora bo partner den coalicion no ta stabiel e ta afecta henter gobernacion. El aafecta nos partido mahos tambe y p’esey awor nos ta buscando un partner stabiel, cu por goberna cu ne y no un partner cu pueblo mester wanta e golpinan ora nan cuminsapleita internamente. Loke ta pasando ultimo dianan di berdadta preocupante pero eseynan ta asuntonan interno di cadapartido. Na e momento aki Aruba ta den un situacion fastiosoenormemente grandi, esta financieramente, economicamente y hopi hende desemplea y p’esey no ta momento pa tin partidonan cu no ta stabiel”, Lider di MEP a enfatisa.

Diaranson Secretario di Estado sr. Knops ta na Aruba. DialunaProme Minister tabata tin un reunion cu Premier Rutte y Premier di Corsou y Sint Maarten. Tambe Prome Minister tabata tin reunion siman pasa cu CAFT y Knops y nan sapunto di salida di Partido MEP. Partido MEP sa loke mestercumpli cu ne y pa e motibo aki mester un gobierno mas pronto cu ta posibel.

Nos no a sinta cu e partidonan pa yega na areglo y naacuerdonan pasobra nos ta warda pa e proceso aki bay promena informadornan y unabes cu nos scucha cua partido ta indica cu nan kier traha cu MEP, nos lo por sigui den e trayecto aki. Nos di MEP ta habri pa sinta cu cualkier partdiocu a saca asiento cu excepcion di partido AVP. E motibo ta cu na e momentonan aki tin e diferencianan fundamental den e vision di e partidonan. Un di nan ta e tema di corupcion naunda cu MEP ta bringa corupcion y AVP ta brasa corupcion. AVP ta contra e landspakket y na e momento aki no ta ora pa tin un gobierno cu ta bay pleita cu Hulanda kitando ministeriopublico, banco central etc.

E tempo cu ta bin ta bay ta uno desafiante pasobra 4 di nos ta minister actualmente y lo huramenta como parlamentariodiahuebs awor. Nos lo mester atende cu tur e retonan y cu e formacion. Lo ta un temporada desafiante y spera e pasa lihe. Nos lo duna di nos banda pa agilisa e proceso unda cu por. Sinceramente e pandemia di aña pasa a prepara nos pa cualkier presion cu bin na caminda.

Diamars mainta nos tabata tin nos prome reunion cu e informadornan. Awor nos lo bay internamente tambe parepasa e puntonan cu nos ekipo y partido pero mi tin e sentimento si cu nos lo tin un gobierno pronto”.

26 views0 comments