Aruba Bank ta reconoce su empleado superior pa luna di januari


ORANJESTAD, Aruba –10 di februari 2021 – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna.

E empleado cu ta escohi ta esun cu durante di e luna a haci su maximo esfuerzo pa brinda momentonan superior na tur esnan cu bishita Aruba Bank of haci uzo di un manera of otro di un servicio di banco.

Albert Lake a ser selecciona durante di luna di januari pa su apoyo excelente na clientenan di Aruba Bank.

Nos Junior Account Manager a brinda un servicio superior na clientenan den su area di trabou.

E ta haci esaki cu su amabilidad unico y semper ta bon informa den su tareanan diaria.


Albert Lake su amablidad y carisma a resalta y a haci cu ela wordo nomina y reconoci como un empleado superior.

Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”. Pabien Albert!

2 views0 comments

©Bo Informado