Apertura na Aruba.tv, Canal 49


E aña aki e apertura di biblioteca su Festival di Buki pa Mucha lo keda transmiti via Aruba.tv, Canal 49, esta diabierna awor pa 7or di anochi. Un y tur ta bonbini pa sintonisa e canal aki sea via television of Internet.


Biblioteca ta presenta un programa di mey ora cu palabranan di bonbini di directora di Biblioteca Nacional Aruba, sra. Astrid Britten y Minister di Enseñansa, ciencia y desaroyo sostenibel, dr. sr. Armando Lampe y coordinadora di e proyecto, sra. Yosmar Maduro-Sneek.

Tambe un entrevista cu e ilustrador/pintor di e buki nobo pa mucha titula ‘Ora Ubao’, sr. Elvis Tromp. Sigui pa un entrevista cu un di e musiconan cu a produci e cantica pa mucha, sr. Sergio Silva y tambe e cantante, Ambar Silva. Despues un presentacion musical di e cantica di e festival ‘Habri un mundo...’.


Muchanan cu kier participa den un competencia por haya mas informacion riba website di biblioteca. E prome siman di november, di dialuna awo pa diabierna scolnan por wak e presentacionnan di e autornan y ilustrador participante.


Esaki via biblioteca su website of Youtube channel, tambe mas informacion riba FB. Informacion pa presentacion riba Digiboard ta disponibel riba biblioteca su website.

0 views0 comments

©Bo Informado