Anchelino Vrolijk di POR ta senjala lo siguiente:


Lago Heights Naked park, un joya di projecto cu falta atenshon.



Na Aruba e cantidad di facilidad mane Lago Heights Naked parkcomo tambe Parke Jaburibari miho conoci como Parke Curazon ta hopi limita. Awendia nos por wak cu desde oranan tempran di mainta e lugarnan aki ta wordo frecuenta door di usarionan cu ta desea di move y mantene un curpa sano.


Apesar di tur esaki e usuarionan ta hanja nan mes confronta cu diferente obstaculo o faltadi mantenson. Recientemente por a mira con e diferente machinan a hanja un man di verf nobo, pero asina mes e frusto y unda tin danjota keda visibel y por forma un peliger pa e usuario. Ademas por wakcon e yerba a crece te cu ta stroba usuarionan di cana trankilo paso por tin cualkier bestia indesea presente. Mester pensa na entre otro un Lisimbein (duizendpoot) o un scorpion y asina tin hopi mas cu por menshona.

Pesey mes como miembro di e comunidad di San Nicolaas mi kier a urgi nos minister di deporte y salubridad su Excelencia DanguiOduber pa tuma cuenta cu esaki, y sigur lo ta na su lugar pa instrui e departamento concerni pa bin hasi mantenshon di e parke bunita akicu ta situa na San Nicolaas. Sin lubida cu e parke aki ta keda riba e caminda unda diariamente nos bishitanten ta pasa banda di dje y admira esaki.


E lugar aki a wordo crea pa nos comunidad di San Nicolaas pa hasimoveshon riba dje pa asina hiba un bida saludabel...

16 views0 comments