Abusador nan cu salario astronomico ta lamenta cu nan cifra a leak?

Of e ta hasi dolor cu awo pueblo sa unda su placa ta bai?


Aruba mester di lanta un Aruba leaks pa e set di sinberguenza cu tin na nos pais cu salario astronomico cu ta bin di e weso di lomba di e pais aki!


Esaki ta loke Un gobierno mester logra un paro na e abuso di salario astronomico den e aparato gubernamental y algun companianan estatal di gobierno!

Algun sindicato cu ta proteha nan interes y salario halto cu nan si ta gosa di dje ainda ta menasa trahadornan pa join nan. Tin entendi di un posibel BLACK OUT na caminda cu no por wordo tolera ni acepta pa e mayoria di e pueblo aki. Di awo pa futuro mester bin miho control na e manera di paga un empleado publico of semi publico of con un empleado cu ta traha na interes general di pais Aruba por pone e pueblo cu ta page contra muraya cu hasta menasa di manda Aruba den black out, segun algun trahado a comenta na nos team cu nan no ta di acuerdo y kier sigi aporta na entre otro fase y sigi copera cu pueblo y asina cu nos pais recupera tur hende por bai bek na normalidad.

Cua ta e problema di wanta un tiki?


Nos a compronde no ta TUR trahado den e area publico of semi publico ta di acuerdo cu algun sindicato cu tin un agenda berde politico paso ta aña di campaña!


Nos pais ta enfrentando retonan grandi y hopi sacrificio tur hende di nos pais ta hasi pa por wanta cabes riba awa den e ultimo buelta di e pesadilla di covid.

Ta riparabel con un media di comunicacion cu antes y talves ainda ta gana milles di florin for di e compania aki cu a sali defende, nos ta corda ta e mesun compania aki a paga tempo di gobierno anterior avion priva pa e gang di e medio di comunicacion aki viaja bai venezuela pa firma nan deal fracaso cu a costa Aruba HOPI placa!


Articulo modifica pa prensa cu ta apoya AVP y Sindicato cu angenda politico berde cu ta trata tur dia pa mal informa e comunidad! No lubida cu durante 8 aña ba costa e pais aki 8 miyon florin cu awe por a sirbi pa paga fase si bono a abusa di e systema! Boso rabia ta cu e gobierno actual no a abusa di e systema nan ta purbando di drecha e systema!

Nos medio no ta gana ni 1 florin di e gobierno actual y ta critico ora mester ta critico!


Shonan boso mesun trahadona disgusta cu sindicato y e forma di con boso kier atende cu tur e situacion ta duna nos informacion!


Miho cos boso yuda pueblo cu ta mantene boso salario bibo y yuda esnan cu nan meter ta wordo corta pa yega na un solucion! Ta yega tempo pa pueblo pidi habri buki di companianan estatal paso ta pueblo ta paga boso! E portal aki no ta paga pa ni gobierno actual ni niun partido politico of partido!

Miho cos cu boso mester hasi ta bira transparente cu su doño di trabou cu ta PUEBLO!



Abusadornan ta esun cu no kier entrega y ta llora paso awo pueblo sa cuanto nan ta cobra!



Riba e grafico por mira con nan costo di personal ta keda subi te cu aña 2028! Ta ki dia awa y coriente por baha si comerciante y pueblo ta traha pa mantene nan so?