“5 More minutes” version tropical te tema promocional di Krizs


Despues di a presenta entre otro “Abo” cu e aparicion special di François y “Pensa riba bo”, esaki ta bira su prome tema pa 2021. For di basta siman nan atras Krizs a drenta studio pa graba e popular tema “5 More minutes”, pero a duna’e un dimencion diferente tropicalizando esaki den un salsa contagioso.


Pa realiza esaki a ensambla tur e elemento nan pa esaki sona como tal y a yama entre otro e conocido Anuar van der Linden pa graba tur loke e tema aki mester den percussion pa duna’e mas peso y alavez e la haci e re-arreglo di e tema.


A percura pa arma un elenco di musico nan p’asina sigui re-enforza e tema pa cual a inclui Diego Henriquez (baho/bass), Jeanoir Koolman (guitara), Danny Koolman (piano), Dennis Savala (trompet y trombone), den e parti di coro Russow (Rousseau), a laga Nigel Dream haci e mescla y masterizacion.


Cu e elenco di talento musical aki a precura p’e tema hay un peso no solo local, pero sigur hopi internacional.

Mustrando un biaha mas cu den nos mesun cura e calidad musical tey banda di cualkier artista di e genero di Salsa.

A percura p’e tema aki haya su ‘video clip‘ y a delega esaki n’e talentoso Dani Cruz y entre otro Marlon Dubero, Natalie Manzanares (Creative Producer), Nayelle Arends, George Bislip y Francis Rodriguez (make up y hair stylist) y Diego (confeccionista).


Sin duda mester gradici cada un di nan pa nan contribucion n’e relizacion di e video, ademas mester inclui High Performance, Comedo Aruba (Matt), Urataca Center (Rigo), Beach and fFlips (DJ Kash), Lemonpeel (Juleika), AVC (Bryan) y Perfect Catch Yate (Oslin Henriques).

Cada un di nan a aporta cu awe por disfruta, skucha y mira, “5 More minutes” version tropical vocaliza pa Krizs.

1 view0 comments