119 caso positivo extra di 829 test un total di 265 caso activo!


Durante ora di merdia Prome Minister di Aruba Evelyn Wever-Croes a hasi e anuncio pa medio di un video y audio cu ta bai pa tur prensa. 


Tabata tin hopi rumor for di trempan cu e cifra pa awe lo ta mucho mas cu di ayera mirando tur esnan cu a test positivo y esnan cu tabata rond di nan a “get in panic” y a bai test tambe. No ta un sorpresa cu e pueblo aki durante e ultimo lunanan hopi tabata keha e grito cu gobierno tabata hasi pa cuida. Awe hopi kier sigui punta dede si ta turista, negoshi of gobierno ta culpabel di e situacion actual. Pero na final nos ta keda responsabel di nos actonan y e forma cu nos ta comporta. Ta keda si na esnan conserni suministra informacion pero nos manera di comporta ta refleha e forma cu tur cos a bira pa e ultimo dianan aki. 



We didn’t crush the curve, nos a dal 10 stap atras y mane un stichi a bai halto den caso!


Nos ta un pueblo cu tin hopi ignorancia y danki na esey awe nos ta subi den caso positivo den gran escala.



Si nos a scucha y keda den practica nos lo tabata tin un scenario diferente awe. Por wak e di otro forma tambe, mas hende cu e virus mas lihe nos ta recupera di e situacion! 



Esaki ta e mensahe cu Prome Minister Evelyn-Wever-Croes a manda pa Aruba pa limita movecion pa cosnan importante!




Bon dia. E cantidad di caso nobo awe (te awor) ta 119, di 829 test hasi. Atrobe un aumento drastico. Cu esaki mi kier pidi bo pa limita bo movecionnan na solamente loke ta necesario, por ehempel bo trabou, supermercado, botica. Si no mester, no sali pa bo busca e virus hib’e bo cas. Keda paden!


Tambe mi ta urgi bo pa cuida tur esnan vulnerable. Esnan grandi y cu problema di salud. E desaroyo aki ta preocupante. Ban tuma e situacion na serio. Nos ta prepara pa atende, y cu bo cooperacion nos lo surpasa e tempo dificil aki. 


Un fuerte abraso, Evelyn

3 views0 comments